ဘ၀ဆိုတဲ့
အမောရုံကြားမှာ
ယဉ်ပါးလာခဲ့တာလဲကြာပေါ့..။
အတွေးတွေကိုယ်စီနဲ့
သံသရာသို့လည်း
ချီတက်ရဦးမယ်လေ.။
ဘုံဌာနဆိုတာ
သိတဲ့အခိုက်အတန့်လေးမှာ
နောက်ကျမသွားတဲ့
အာရုံလေးတွေကို
အလျင်အမြန်စူးစိုက်၍
အရူးအမိုက်လဲ
မလုပ်ချင်ပါ..။
ဒုက္ခသုခတွေရဲ့
လက်ကမ်းကြော်ငြာစာတွေ
မနောအိပ်ထဲမှာ
ပြည့်လို့ပဲလေ..။
ကိုယ်လက်မှတ်နဲ့ကိုယ်
ဗလာမပါကံစမ်းမဲတွေ
တစ်ခုချင်းတစ်ခု
လိုက်နှိုက်နေလို့ကော
ပြီးသွားမှာတဲ့လား..?
ပြီးသွားမှာတဲ့လား..?
အောင်မြင်မှုနဲ့
ကျရှုံးမှုဆိုတဲ့
စည်းကမ်းတွေရဲ့
အောက်မှာပဲ
ကိုယ့်ကံစမ်းမဲ့ကိုယ်
နှိုက်လိုက်ပါတော့.......။
No comments:
Post a Comment